პორტუგალიაში დაფუძნებულმა სასტუმრო ტექნოლოგიების საერთაშორისო კომპანიამ Newhotel Software-მა თავის ოფიციალურ ბლოგზე გამოაქვეყნა სტატია „Eurasia: Technological Empowerment“, რომელიც HIT Hub-თან პარტნიორობასა და რეგიონში სტუმარმასპინძლობის ინდუსტრიის ტექნოლოგიურ განვითარებას ეძღვნება.
სტატიაში HIT Hub წარმოდგენილია, როგორც Newhotel-ის პარტნიორი საქართველოში და ევრაზიის რეგიონში, რომელიც თანამედროვე სასტუმრო ტექნოლოგიების დანერგვასა და ინდუსტრიის ციფრულ ტრანსფორმაციას უწყობს ხელს.
ვლადიმერ კაპერსკი, HIT Hub-ის მმართველი პარტნიორი:
Newhotel-თან თანამშრომლობა კომპანიას საშუალებას აძლევს, მომხმარებლებს შესთავაზოს საერთაშორისო სტანდარტების ტექნოლოგიური გადაწყვეტილებები, გააფართოოს მომსახურების სპექტრი და კიდევ უფრო გააძლიეროს პოზიციები სტუმარმასპინძლობის ბაზარზე.
პუბლიკაციაში განსაკუთრებული ყურადღება ეთმობა პარტნიორობის საერთო ხედვას - ინოვაციების განვითარებას, ცოდნის გაზიარებასა და თანამედროვე ტექნოლოგიების ხელმისაწვდომობას რეგიონში მოქმედი სასტუმროებისა და ტურიზმის ბიზნესებისთვის.
HIT Hub-ისთვის ეს კიდევ ერთი მნიშვნელოვანი საერთაშორისო აღიარებაა, რომელიც ადასტურებს კომპანიის როლს საქართველოში და რეგიონში სტუმარმასპინძლობის ტექნოლოგიური ეკოსისტემის განვითარებაში.
წყარო: Newhotel Software Blog - Eurasia: Technological Empowerment (აგვისტო, 2025)
